" ایک خوبصورت حکایت "
ﮐﮩﺘﮯ ﮨﯿﮟ ﺍﯾﮏ ﭼﯿﻨﯽ ﺑﮍﮬﯿﺎ ﮐﮯ ﮔﮭﺮ ﻣﯿﮟ ﭘﺎﻧﯽ کے لیے ﺩﻭ ﻣﭩﮑﮯ ﺗﮭﮯ, ﺟﻨﮩﯿﮟ ﻭﮦ ﺭﻭﺯﺍﻧﮧ ﺍﯾﮏ ﻟﮑﮍﯼ ﭘﺮ ﺑﺎﻧﺪﮪ ﮐﺮ ﺍﭘﻨﮯ ﮐﻨﺪﮬﮯ ﭘﺮ ﺭﮐﮭﺘﯽ ﺍﻭﺭ ﻧﮩﺮ ﺳﮯ ﭘﺎﻧﯽ ﺑﮭﺮ ﮐﺮ ﮔﮭﺮ ﻻﺗﯽ۔ ﺍﻥ ﺩﻭ ﻣﭩﮑﻮﮞ ﻣﯿﮟ ﺳﮯ ﺍﯾﮏ ﺗﻮ ﭨﮭﯿﮏ ﺗﮭﺎ ﻣﮕﺮ ﺩﻭﺳﺮﺍ ﮐﭽﮫ ﭨﻮﭨﺎ ﮨﻮﺍ تھا۔ ﮨﺮ ﺑﺎﺭ ﺍﯾﺴﺎ ﮨﻮﺗﺎ ﮐﮧ ﺟﺐ ﯾﮧ ﺑﮍﮬﯿﺎ ﻧﮩﺮ ﺳﮯ ﭘﺎﻧﯽ ﻟﮯ ﮐﺮ ﮔﮭﺮ ﭘﮩﻨﭽﺘﯽ ﺗﻮ ﭨﻮﭨﮯ ﮨﻮﺋﮯ ﻣﭩﮑﯽ ﮐﺎ ﺁﺩﮬﺎ ﭘﺎﻧﯽ ﺭﺍﺳﺘﮯ ﻣﯿﮟ ﮨﯽ ﺑﮩﮧ ﭼﮑﺎ ﮨﻮﺗﺎ ﺟﺒﮑﮧ ﺩﻭﺳﺮﺍ ﻣﭩﮑﺎ ﭘﻮﺭﺍ ﺑﮭﺮﺍ ﮨﻮﺍ ﮔﮭﺮ ﭘﮩﻨﭽﺘﺎ۔
ﺛﺎﺑﺖ ﻣﭩﮑﺎ ﺍﭘﻨﯽ ﮐﺎﺭﮐﺮﺩﮔﯽ ﺳﮯ ﺑﺎﻟﮑﻞ ﻣﻄﻤﺌﻦ ﺗﮭﺎ ﺗﻮ ﭨﻮﭨﺎ ﮨﻮﺍ ﺑﺎﻟﮑﻞ ﮨﯽ ﻣﺎﯾﻮﺱ، ﺣﺘﯽٰ ﮐﮧ ﻭﮦ ﺗﻮ ﺍﭘﻨﯽ ﺫﺍﺕ ﺳﮯ ﺑﮭﯽ ﻧﻔﺮﺕ ﮐﺮﻧﮯ ﻟﮕﺎ ﺗﮭﺎ ﮐﮧ ﺁﺧﺮ ﮐﯿﻮﻧﮑﺮ ﻭﮦ ﺍﭘﻨﮯ ﻓﺮﺍﺋﺾ ﮐﻮ ﺍﺱ ﺍﻧﺪﺍﺯ ﻣﯿﮟ ﭘﻮﺭﺍ ﻧﮩﯿﮟ ﮐﺮ ﭘﺎﺗﺎ ﺟﺲ ﮐﯽ ﺍﺱ ﺳﮯ ﺗﻮﻗﻊ ﮐﯽ ﺟﺎﺗﯽ ﮨﮯ۔ ﺍﻭﺭ ﭘﮭﺮ ﻣﺴﻠﺴﻞ ﺩﻭ ﺳﺎﻟﻮﮞ ﺗﮏ ﻧﺎﮐﺎﻣﯽ ﮐﯽ ﺗﻠﺨﯽ ﺍﻭﺭ ﮐﮍﻭﺍﮨﭧ ﻟﺌﮯ ﭨﻮﭨﮯ ﮨﻮﺋﮯ ﮔﮭﮍﮮ ﻧﮯ ﺍﯾﮏ ﺩﻥ ﺍﺱ ﻋﻮﺭﺕ ﺳﮯ ﮐﮩﺎ
" ﻣﯿﮟ ﺍﭘﻨﯽ ﺍﺱ ﻣﻌﺬﻭﺭﯼ ﮐﯽ ﻭﺟﮧ ﺳﮯ ﺷﺮﻣﻨﺪﮦ ﮨﻮﮞ ﮐﮧ ﺟﻮ ﭘﺎﻧﯽ ﺗﻢ ﺍﺗﻨﯽ ﻣﺸﻘﺖ ﺳﮯ ﺑﮭﺮ ﮐﺮ ﺍﺗﻨﯽ ﺩﻭﺭ ﺳﮯ ﻻﺗﯽ ﮨﻮ ﺍﺱ ﻣﯿﮟ ﺳﮯ ﮐﺎﻓﯽ ﺳﺎﺭﺍ ﺻﺮﻑ ﻣﯿﺮﮮ ﭨﻮﭨﺎ ﮨﻮﺍ ﮨﻮﻧﮯ ﮐﯽ ﻭﺟﮧ ﺳﮯ ﮔﮭﺮ ﭘﮩﻨﭽﺘﮯ ﭘﮩﻨﭽﺘﮯ ﺭﺍﺳﺘﮯ ﻣﯿﮟ ﮨﯽ ﮔﺮ ﺟﺎﺗﺎ ﮨﮯ "
ﮔﮭﮍﮮ ﮐﯽ ﯾﮧ ﺑﺎﺕ ﺳﻦ ﮐﺮ ﺑﮍﮬﯿﺎ ﮨﻨﺲ ﺩﯼ ﺍﻭﺭ ﮐﮩﺎ " ﮐﯿﺎ ﺗﻢ ﻧﮯ ﺍﻥ ﺳﺎﻟﻮﮞ ﻣﯿﮟ ﯾﮧ ﻧﮩﯿﮟ ﺩﯾﮑﮭﺎ ﮐﮧ ﻣﯿﮟ جس ﻄﺮﻑ ﺳﮯ ﺗﻢ ﮐﻮ ﺍﭨﮭﺎ ﮐﺮ ﻻﺗﯽ ﮨﻮﮞ ﺍﺩﮬﺮ ﺗﻮ ﭘﮭﻮﻟﻮﮞ ﮐﮯ ﭘﻮﺩﮮ ﮨﯽ ﭘﻮﺩﮮ ﻟﮕﮯ ﮨﻮﺋﮯ ﮨﯿﮟ ﺟﺒﮑﮧ ﺩﻭﺳﺮﯼ ﻃﺮﻑ ﮐﭽﮫ ﺑﮭﯽ ﻧﮩﯿﮟ ﺍﮔﺎ ﮨﻮﺍ، ﻣﺠﮭﮯ ﺍﺱ ﭘﺎﻧﯽ ﮐﺎ ﭘﻮﺭﺍ ﭘﺘﮧ ﮨﮯ ﺟﻮ ﺗﻤﮩﺎﺭﮮ ﭨﻮﭨﺎ ﮨﻮﺍ ﮨﻮﻧﮯ ﮐﯽ ﻭﺟﮧ ﺳﮯ ﮔﺮﺗﺎ ﮨﮯ, ﺍﻭﺭ ﺍﺳﯽ ﻟﺌﮯ ﺗﻮ ﻣﯿﮟ ﻧﮯ ﻧﮩﺮ ﺳﮯ لے کر ﺍﭘﻨﮯ ﮔﮭﺮ ﺗﮏ ﮐﮯ ﺭﺍﺳﺘﮯ ﻣﯿﮟ ﭘﮭﻮﻟﻮﮞ ﮐﮯ ﺑﯿﺞ ﺑﻮ ﺩﯾﺌﮯ ﺗﮭﮯ ﺗﺎﮐﮧ ﻣﯿﺮﮮ ﮔﮭﺮ ﺁﻧﮯ ﺗﮏ ﻭﮦ ﺭﻭﺯﺍﻧﮧ ﺍﺱ ﭘﺎﻧﯽ ﺳﮯ ﺳﯿﺮﺍﺏ ﮨﻮﺗﮯ ﺭﮨﺎ ﮐﺮﯾﮟ۔ ﺍﻥ ﺩﻭ ﺳﺎﻟﻮﮞ ﻣﯿﮟ ﻣﯿﮟ ﻧﮯ ﮐﺌﯽ ﺑﺎﺭ ﺍﻥ ﭘﮭﻮﻟﻮﮞ ﺳﮯ ﺧﻮﺑﺼﻮﺭﺕ ﮔﻠﺪﺳﺘﮯ ﺑﻨﺎ ﮐﺮ ﺍﭘﻨﮯ ﮔﮭﺮ ﮐﻮ ﺳﺠﺎﯾﺎ ﺍﻭﺭ ﻣﮩﮑﺎﯾﺎ ﺍﮔﺮ ﺗﻢ ﻣﯿﺮﮮ ﭘﺎﺱ نہ ﮨﻮﺗﮯ ﺗﻮ ﻣﯿﮟ ﺍﺱ ﺑﮩﺎﺭ ﮐﻮ ﺩﯾﮑﮫ ﮨﯽ نہ ﭘﺎﺗﯽ ﺟﻮ ﺗﻤﮩﺎﺭﮮ ﺩﻡ ﺳﮯ ﻣﺠﮭﮯ ﻧﻈﺮ ﺁﺗﯽ ﮨﮯ "
ﯾﺎﺩ ﺭﮐﮭﺌﮯ ﮐﮧ ﮨﻢ ﺳﮯ ﮨﺮ ﺷﺨﺺ ﻣﯿﮟ ﮐﻮﺋﯽ ﻧﺎ ﮐﻮﺋﯽ ﺧﺎﻣﯽ ﮨﮯ۔ ﻟﯿﮑﻦ ﮨﻤﺎﺭﯼ ﯾﮩﯽ ﺧﺎﻣﯿﺎﮞ، ﻣﻌﺬﻭﺭﯾﺎﮞ ﺍﻭﺭ ﺍﯾﺴﺎ ﭨﻮﭨﺎ ﮨﻮﺍ ﮨﻮﻧﺎ ﺍﯾﮏ ﺩﻭﺳﺮﮮ کے لیے ﻋﺠﯿﺐ ﺍﻭﺭ ﭘﺮ ﺗﺎﺛﯿﺮ ﻗﺴﻢ ﮐﮯ ﺗﻌﻠﻘﺎﺕ ﺑﻨﺎﺗﺎ ﮨﮯ۔ ﮨﻢ ﭘﺮ ﻭﺍﺟﺐ ﮨﮯ ﮐﮧ ﮨﻢ ﺍﯾﮏ ﺩﻭﺳﺮﮮ ﮐﻮ ﺍﻥ ﮐﯽ ﺧﺎﻣﯿﻮﮞ ﮐﮯ ﺳﺎﺗﮫ ﮨﯽ ﻗﺒﻮﻝ ﮐﺮﯾﮟ۔ ﮨﻤﯿﮟ ﺍﯾﮏ ﺩﻭﺳﺮﮮ ﮐﯽ ﺍﻥ ﺧﻮﺑﯿﻮﮞ ﮐﻮ ﺍﺟﺎﮔﺮ ﮐﺮﻧﺎ ﮨﮯ ﺟﻮ ﺍﭘﻨﯽ ﺧﺎﻣﯿﻮﮞ ﺍﻭﺭ ﻣﻌﺬﻭﺭﯾﻮﮞ ﮐﯽ ﺧﺠﺎﻟﺖ ﮐﮯ ﺑﻮﺟﮫ ﻣﯿﮟ ﺩﺏ ﮐﺮ ﻧﮩﯿﮟ ﺩﮐﮭﺎ ﭘﺎﺗﮯ۔
Comments
Post a Comment